صندوق لابانشي

من أجمل اللوحات اللي بتصور سقوط إيكاروس مع نقل أجواء التراجيديا الحالمة المحيطة بالأسطورة..

على عكس اللوحة اللي فوق، اللوحة دي مش مدية اهتمام لسقوط إيكاروس. ممكن حد يقول هو فين إيكاروس أصلاً في اللوحة؟ لو كبرتوها وبصيتوا على الناحية اليمين من تحت هتلاقوا واحد مقلوب في المياه.. هو ده إيكاروس.

اللوحة مش بتحقر من مأساة إيكاروس على قد ما بتوضح طبيعة الإنسان وتعامله مع معاناة الآخرين.. دايمًا بنشوف إيكاروس على إنه بطل عظيم ضحى بحياته علشان كان عايز يعرف أكتر ويطير ناحية الشمس لحد ما جناحاته ساحت ووقع مات.

في اللوحة المأساة والتضحية دي ولا ليهم أي معنى غير لإيكاروس نفسه اللي ممكن مانخدش بالنا من وجوده أصلاً. الحياة مستمرة عادي والناس شايفة شغلها ولا حد أخد باله من الولد اللي وقع من السماء في المياه…

اللوحة دي أوحت للشاعر W. H. Auden إنه يكتب قصيدة بعنوان “Musee de Beaux Arts” وللشاعر William Carlos Williams إنه يكتب قصيدة بتحمل نفس اسم اللوحة بتلخص الموضوع ببساطة..

According to Brueghel
when Icarus fell
it was spring

a farmer was ploughing
his field
the whole pageantry

of the year was
awake tingling
with itself

sweating in the sun
that melted
the wings’ wax

unsignificantly
off the coast
there was

a splash quite unnoticed
this was
Icarus drowning

لما بنقع من السماء وبنغرق بنبقي مجرد صوت طرطشة في المياه بالنسبة للناس التانية.. المأساة بتاعتنا احنا بس.