صندوق لابانشي
“كان ياما كان”.. “يُحكى أن”.. “الأسطورة بتقول”…
الحواديت بتسحرنا، بتأسرنا، بتنقلنا لمكان غير المكان ولزمان غير الزمان.. هي صندوق الدنيا اللي الإنسان بيخزن فيه تاريخه وأفكاره ومخاوفه وأحلامه. وعلشان كده الأساطير والقصص الفولكلورية هتفضل منبع لخيالنا وجزء أصيل في وجداننا وخريطتنا لفهم الدنيا.
في “صندوق لابانشي” بنؤمن إن كل واحد فينا صندوق سحري جواه كون كبير مليان بالحواديت بتربطنا ببعض وبماضينا وحاضرنا، وعلشان نساعد كل واحد يفتح صندوقه ويفهم نفسه والعالم من حواليه هنحاول نربط الأساطير والقصص الشعبية بالفن والفلسفة وعلم النفس ونقدمهم في شكل حواديت بنحكيها ونحللها معاكم.
اللي بيتقال في “صندوق لابانشي” لا يمثل بالضرورة رأي لابانشي، لكنه بيعرض وجهات النظر المختلفة وبيقدم رؤى جديدة لحواديت وأساطير قديمة.
دمتم في خيال
صندوق لابانشي 